Washington, Jylliew:
Ki pulit ka tnat Wenatchee Police kaba hap ha ka nongbah Washington, ki dang thwet ia uwei u briew uba la suba pyniap ia 3 ngut ki khun kynthei ba dang rit ha ka shi taiew ba la leit.
Ki pulit ka Wenatchee ki iathuh ba ia u Travis Decker, 32 snem ka rta, ki la pynlong da ka jingthwet kaba jur hadien ba ki la suba don kti halor ka jingiap ia 3 ngut ki khun kynthei jong u bad ba la pynngat ruh hapoh ki kyndon pynkheiñ aiñ jong ka jingrahbor bad jingpyn-iap briew ha ka kyrdan ba nyngkong, namar ka jingpyniap ia kitei ki khun kynthei la jong kiba dang hynñiew, phra bad san snem ka rta.
Ki heh sorkar ki ngeit ba u Decker, u lah ban leit phet noh shabar lane lehse u ioh jaka rieh tngen ha ka jaka kaba jngai na katei ka thaiñ kaba don ki lum bad ki khlaw kiba rben bad kaba pynlong ia ki pulit ba kin shem jingeh ban buddien bad thwet ia u.
