Shillong, Jylliew 09
Ka Shillong Sports Association (SSA) ka la pynbna ba kan sdang noh ïa ka lympung ïalehkai Under-20 Fourth Division 2025 ha ka 14 tarik mynta u bnai hapdeng ka Thynroit pyrshah ïa ka Golflink ha ka por 4:15 nohphai sngi ha SSA Stadium kaba ha First Ground, Polo.
Ha kane ka lympung ki don 29 tylli ki kynhun ban ïashim bynta kaba la phiah sha hynriew tylli ki group bad mar 2 tylli ki kynhun ki ban wan ha ki kyrdan ba ha khlieh ha man la kawei-pa-kawei ka group kin ïoh rung sha ka pre-quarter final, kat kum ka jingpynpaw dangshen jong u General Secretary, Bah D. L Nongbri ha ki lad pathai khubor.
Ha ka Group-A ki long ka Thynroit SC, Golflink SC, Mawshbuit SC, Risa Colony SC bad ka Laitkroh SC. Ha ka Group-B ki long ka Them Rangshken A.C.C, Mawlyngad SC, Pynthorbah SC, Lummawbah SC bad ka Nongkohlew SC. Ha ka Group-C ki long ka Nongthymmai Nongkynrih SC, Summit FA, Dilingiem SC, Lapalang SC bad ka Mawkasiang S&CC.
Ha ka Group-D ki kynthup ïa ka Umsohsun SC, Mawpdang SC, Pommura SC, Laitlulong SC bad ka Mawphlang SC. Ha ka Group-E ki long ka Laitumkhrah SC, New Challenger FC, Krang SC, Mawnianglah SC bad ka Ïateilang SC Lamlyer. Ha ka Group-F ki long ka Lawei SC, Mawlynrei SC, Lumpyngngad SC bad ka Riatsamthiah SC.
