Shillong, Jylliew 09
Ki pulit ka Shillong ki la ïoh haduh 7 sngi ka ‘Transit Remand’ ne ka hukum na ka bynta ban wan ïalam ïa ki saw ngut ki briew halor ka jingsuba pynïap ïa u Raja Raghuvanshi, u nong Indore uba shah pynïap ha ka jingwan ‘honeymoon’ bad ka kurim ha Sohra.
Ki lai ngut ki ban sa wan ïalam ki dei u Akash Rajput, u Vishal Singh Chauhan bad u Raj Singh Kushwaha. Ïa kane la pyntip da u Additional DCP (Crime) Rajesh Dandotiya uba la ïathuh “Ïa kine ki briew la ïalam tian bishar hakhmat u CJM bad ki pulit ka Shillong ki la ïoh 7 sngi ka transit remand”.
Shuh shuh u la pyntip ba sa uwei u briew ba kyrteng u Anand, u la don mynta ha lynti sha Indore na Bina, Sagar, Madhya Pradesh. Ïa kine baroh saw ngut yn sa shimti noh da ki pulit ka Shillong ban wanlam sha Shillong.
