Shillong, Jylliew 09
Ka lympung ïalehkai Dis -trict Level Inter School Subroto Cup Football Tournament 2025 ba la pynïaid da ka shlem treikam jong ka District Sports Officer (DSO) East Jaiñtia Hills ka la jam sha ka quarter final bad ki jingïakhun kin sdang naduh ka Sngi Ba-ar.
Ha ka jingïalehkai pre-quarter final jong ka Under-15 ki shynrang kaba la long ha ka Lah Sngi U Blei ha madan Deinchynrum kaba ha Khliehriat, ka K.B Memo-rial Secondary School ka la jop da ka walk over ïa ka Sutnga Presbyterian SS hadien ba kam shym la wan mih sha madan. Katba ka Wapung HSS ka la jop da 7-0 kol ïa ka Little Star SS.
Ha ka pre-quarter final Under-17 ki kynthei, ka Sanshnong SS ka la jop da 4-0 kol ïa ka Lumshyrmit UPS.
Haba phai sha ka Under-17 ki shynrang, ka Musning SS ka la pynliem noh ïa ka Divine Word SS da 3-2 kol. U Mehiwanki Singshai u la thep ar kol ha ka minit kaba 13 & 59 lem bad u Rishwa Dkhar (26), katba na ka Divine Words la thep da u Mebanker Sumer (30) bad u Solo-mon Sumer (55).
Ka Seinjait Tuber HSS ka la jop da 4-2 kol ïa ka Byndihati SS. Ïa kine la thep da u PHermiki Kyndait, Pynshemiki Suchiang, Elias Phawa bad u Eki Sana, katba na ka Byndihati la thep da u Kynmoo Dkhar bad u Spainlang Dkhar.
