Jowai, Jylliew 10
Ka kyrdan ïalehkai Under -17 (boys) bad Under-15 (boys) jong ka District Level Inter School Subro-to Mukherjee Cup Foot-ball Tournament 2025 ba la pynïaid da ka shlem treikam u District Sports Officer (DSO) West Jaiñtia Hills District ka la jam sha ka semi final.
Ha ki jingïakhun quarter final U-15 kiba la long ha ka Sngi Ba-ar ha Kiang Nangbah Stadium kaba ha Jowai, ka H. K. Singh Memorial Secondary School ka la jop da 3-0 kol ïa ka Syiem Jingsuk Secondary School. Ka Govt. Boys HSS ka la jop da 5-0 kol ïa ka Don Bosco Secondary School. Ka Laishnong HSS ka la jop lyngba ka tie-breaker da 4-3 kol ïa ka North Liberty HSS.
Katba ha ka Under-17 (boys), ka Sawlyngdoh HSS ka la jop da 3-2 kol ïa ka Amwi HSS Thangbuli. Ka Marian Hill HSS ka la jop lyngba ka tie-breaker da 4-3 kol ïa ka Govt. Boys HSS.
Na ka liang ki bor pynïaid ki la pynbna ba ki jingïakhun quarter jong ki shynrang ha ka Under-17 bad semifinal jong ki kynthei kan bteng biang ha ka Sngi Palei.
