Nongstoiñ, Jylliew 10
Ka shlem trei kam jong ka District Sports Officer (DSO) West Khasi Hills District ka la sdang ïa ka lympung ïalehkai District Level Inter School Subroto Mukherjee Cup 2025 ha ka Sngi Ba-ar.
Ha ka jingïakhun jong ka Under-17 ki kynthei, ka KJP Synod HSS ka la jop ïa ka Anderson HSS da 3-1 kol. Nangta, ka Umyiap Presbyterian SS ka la jop da 1-0 kol ïa ka Lurmang -kara SS, ka St. Xavier ka la pynliem noh ïa ka Joplang RMSA SS da 1-0 kol, ka St. John Bosco Rambrai ka la pynliem da 3-0 kol ïa ka BBC SS, katba ka Joel Gatphoh Memorial HSS ka la pynliem noh da 1-0 kol ïa ka Borsingh Memo -rial SS.
Shuh shuh, ha ka Under-17 ki shynrang, ka Pingbah RMSA ka la pynliem noh ïa ka BBC Secondary School da 2-1 kol. Kumjuh ka Anderson Higher Secondary School ka la pynliem da 2-0 kol ïa ka Borsingh Memorial Secondary School, ka Joel Gatphoh Memorial Secondary school ka la jop da 2-1 kol ïa ka New Nongstoiñ, ka Rev. J.J.M Nichols Roy Secondary School ka la pynliem noh da 2-1 kol ïa ka Evangel Secondary School, katba ka Mount Hermon Secondary School ka la lah ban pynliem noh ïa ka KJP Synod Sepngi Higher Secondary School lyngba ka tie-breaker da 5-4 kol.
Haba phai sha ka Under-15 ki shynrang, ka KJP Synod Sepngi Higher Secondary School ka la pynliem noh da 3-0 kol ïa ka Joplang RMSA, katba ka Anderson Higher Secondary School ka la jop da 1-0 kol ïa ka Dapboklang Giri Memo-rial Secondary School.
Lah ban kdew hangne, mynta u snem ki don 22 tylli ki skul kiba ïashim bynta ha ka Under-17 ki shynrang, Under-17 ki kynthei ki don 13 tylli lem bad 18 tylli ha ka Under-15 ki shynrang.
