Jowai, Jylliew 10
Ka Dorbar Shnong Loomkyrwiang ha ka thong ban pynsuk ïa ki nongñiah kali bad ban lait na ka jingtyngkhuh kali ne accident, ha u snem 2024 ka la buh ïa ka Reflex Mirror ha man ki lad ban rung shapoh u pud u sam jong ka Dorbar Shnong.
Hynrei kaba phylla ban lap ba ha kine ki sngi, ki briew ki bym itynnad ban ïohi ïa ka kam bha kam miat jong ka Dorbar Shnong, ki la tuh bad pynsniew dur ïa kine ki tiar kiba la buh da ka Dorbar shnong.
Ka Dorbar Shnong Loomkyrwiang ka kyrpad ïa kino kino kiba rung shapoh u pud u sam ka Dorbar Shnong ban rung da ka mynsiem ka jingkitkhlieh na ka bynta ka bha ka miat ym ban huri-hura, pynjot bad tuh ïa ki tiat ki tar.
Lyngba kane ka kyrwoh, ka dorbar shnong ka la maham ïa kiba leh pyrshah bad lada ka Dorbar Shnong ka lap kan pynshitom katkum ka aiñ.
