Shillong, Jylliew 10
Ïa ki san ngut ki briew kiba la kynnoh donkti ban pynïap ïa u Raja Raghuvanshi, ba la wan ïalam sha Shillong na Indore bad Ghazipur yn sa rah hakhmat ka ïingbishar ha ka Sngi Balang.
Kine san ngut kiba la wan kit sha Shillong da ki pulit ka jylla ki kynthup ïa ka Sonam Raghuvanshi, Raj Kushwaha, Akash Rajput, Vishal Singh Chauha bad u Anand Kumar.
Haba kren sha ki nongthoh khubor, u Superintendent of Police ka East Khasi Hills, Bah Vivek Syiem, u la ong ba kawei ka kynhun jong ki pulit ka la wan kit ïa kaba shah kynnoh na Ghazipur bad kawei pat ka kynhun na Indore.
U la pyntip ba ki pulit ki la ïoh ïa ka transit remand kaba hynriew sngi na ka bynta kiba shah kynnoh na Indore bad lai sngi na ka bynta kito na Ghazipur.
Shuh shuh, u SP u la ong ba hadien ba ki la poi sha Jylla, ka tnat pulit kan sa peit bad shim rai kumno ban ïaid shakhmat bad pynwandur ïa ka jingjia shah pynïap ba kumno kine ki briew ki la pynïaid shakhmat, da kaba ïalam ïa ki sha ki jaka ba ki la leh ïa kane ka kam.
