Shillong, Jylliew 11
Ka surok ban ïaid kali na jingkieng Umshyrpi kan khang haduh saw miet kynthih namar ka jingïaid shakhmat jong ki kam ba dang pyntrei ha kane ka jingkieng.
Ha kaba ïadei bad kane, u Superintendent of Police (SP) ka East Khasi Hills Bah, Vivek Syiem, u la pynbna ba kan don ka jingkhang ban ïaid ki kali na ka jingkieng Umshyrpi haduh saw miet. Kine sngi ban khang ïaid kali, ki long naduh ka 12 tarik Jylliew haduh ka 15 tarik Jylliew bad ka por ban khang kan treikam naduh ka por 10 baje mynmiet haduh 5 baje mynstep jong ka sngi kaba bud. Ha kajuh ka por na ka liang jong u SP u la kyntu ïa ki kali kiba leit ba wan na ka thaiñ Upper Shillong sha jingkieng Umshyrphi, MES bad kiba leit na ki thaiñ Lumdiengjri sha ka thaiñ Upper Shillong, ba kin pyndonkam noh ïa ki surok na Laitumkhrah-Madanrting-Laitkor-Pomlakrai-5mer-Upper Shillong. Ha kawei pat ka liang, u la pyntip ba tang ïa ki kali emergency yn shah ïaid na kane ka jingkieng.
