Gaza City, Jylliew:
Katkum ka kaiphod na ka tnat ba dei khmih ia ka longbriew- man briew ha Gaza, la ong ba kumba 9 ngut ki la khlad bad duh ei ia ka jingim ha ka jing-leit thombor jong ka Israel sha Gaza ha ka Sngi Ba-ar, ha kaba ki shipai ka Israel ki la leit thombor sha ki phang Sepngi jong ka nongbah Gaza Strip.
Watla katta, haba la wad jingtip bad buh jingkylli da ki lad pathai khubor, ka tnat shipai Israel kam shym pyntikna halor ka khubor ka jingkhlad jong u Abu Shalouf.
Haba leit rung sha ki jakasumar ha kylleng ka nongbah Gaza, la iohi sa tang ki nongiam pait-dohnud bad ki kmie- ki kpa kiba shu rah duh jingkyrmen ia ki khun- ki kti kiba dang rit hynrei kiba la mad ia ka apot kaba sangsot bad kiba la shu iap ei namar jong ka thma ka Israel bad ka Hamas hapoh katei ka nongbah.
