Cairo, Jylliew:
Ka tnat ïada jong ka Isarel ha ka Sngi Ba-ar, ka la pyntip ba ka dang ïakhun katba lah ban tehlakam ia ki ‘namding ba la wan poi na Yemen sha Israel, tang hadien katto-katne kynta ba ka Israel ka la phah ia la ki shipai duriaw ban leit ther bom sha katto-katne ki thong kiba ka Israel ka la buh ia ka Kad Lieng jong ka Yemen ha ka duriaw Red Sea jong ka Hodeidah.
Namar ka Israel ka la byrngem ban pynsaja ia ka kynhun lehnoh Houthi jong ka Yemen, kaba don jingiadei bad kaba ju ioh jingkyrshan na ka Iran namar ka jingdonkti jong ka Houthi ha ka thma jong ka Hamas pyrshah ia ka Israel bad kaba ju ai jingkyrshan man ka por ia ka Hamas namar ka jingleit thombor jong ka Israel pyrshah ia ka kynhun lehnoh Hamas kaba la synshar ia ka nongbah Gaza da ki phew snem mynta.
Kumta, la ong ba ka ju don ka jingiakynad bad ka jingiather bom na ka por sha ka por hapdeng ka Israel bad katei ka kynhun lehnoh jong ka Yemen naduh ba ka Israel ka la pynbna da ka thma pyrshah ia ka Hamas kaba la leit ban thombor ia ka Israel ha ka 7 tarik Risaw 2023.
