Shillong, Jylliew 11
Uwei u rangbah u la duh noh ïa ka jingim hadien ba u la mynsaw jur na ka jingshah thombor ha ki katto-katne ki briew kaba la jia ha 14 Mer, Assam.
Katkum ka khubor na ki pulit la ong ba u Saring Timung u la wan mih sha Byrnihat OP bad ban ïathuh da ka ktien ba ha ka 7 tarik mynta u bnai, u Supervisors jong ka GM Coke Factory, 14th Mile, Assam, u la shoh ïa u kynum jong u, u Longbiram Ronghang, ba la 32 snem ka rta.
Ki pulit haba pynlong jingtohkit, ki la lap ba u Longbiram Ronghang u la don ka jingïapyni nia bad u Supervisor jong ka GM Coke Factory, bad hadien kane, sa saw ngut kiwei ki Supervisor jong katei ka karkhana ki la thombor ïa u Longbiram da ki nar rod.
La ong ba ha kane ka jingjia, utei u rangbah u la mynsaw jur bad dei ha ka 8 tarik mynta u bnai u la khlad noh namar ka jingmynsaw.
