Mawkyrwat, Jylliew 11
Ka Horirai Syiemlieh Memorial Secondary School Photjaud Rang-thon, Little Star Higher Secondary School bad ka Jakrem Presbyterian HSS kin long lai tylli ki kynhun ban mihkhmat ïa ka South West Khasi Hills District sha ka State Level Inter School Subroto Mukher-jee Cup 2025, hadien ba ki la rah ïa ka nam lahduh ha la ki jong ki kyrdan ïalehkai.
Ha ka jingïakhun final jong ka Under-17 ki shynrang kaba la long ha madan MDSA Artificial Turf kaba ha Nonglang (SWKHD), ka Horirai Syiemlieh Memorial ka la pynliem noh da 4-1 kol ïa ka Rangthong Christian HSS, Rangthong.
Kumjuh, ha ka Un-der-15 ki shynrang, ka Little Star ka la jop da 3-0 kol ïa ka Tyllilang Secondary School, Nongbah-Marshillong.
Haba phai sha ka Under-17 ki kynthei, ka Jakrem Presbyterian ka la lah ban pynliem noh ïa ka Rangthong Christian Higher Secondary School lyngba ka tie-breaker da 3-1 kol.
Ha kane ka sngi la ïadon lang u Bah F.B. Basan (MCS), Addi-tional Deputy Commis-sioner ka South West Khasi Hills District ha ryngkat ka jingdonlang u Bah Damang Syngkon, District Sports Officer ka South West Khasi Hills District, u Chester Paul Lyngdoh kum uwei na ki khlur ïalehkai phutbol jong ka dong ka thaiñ, Bah Y.G Lyngdoh, Working President MDSA bad ki nongkitkam ka Mawkyrwat District Sports Associa -tion lem bad kiwei.
Kum ban shu pynkynmaw ki don haduh 47 tylli skul ban shim bynta ha kane ka lympung. Ha ka Under-17 (boys) ki don 18 tylli ki skul, kumjuh 15 tylli ha ka Under-15 (boys) bad 14 tylli ha ka Under-17 (girls).
