Shillong, Jylliew 11
Ki pulit ka Shillong ki la pynkhlaiñ bha ïa ki bor pahara ha ka por ba ki mih na phyllaw ka Thanat Sadar, Khyndailad namar ki la ïohi ïa ka jingbun ki paidbah kiba la ïeng lypa hakhmat ka khyrdop.
Kane ka jingpyrkhing ka dei namar ki tieng ïa ki paidbah kiba la pynpaw ka jingbitar ïa ka Sonam hadien ba ka la pynïap ïa la u lok u Raja Raghuvanshi.
Haba ki pulit ki la mih na Sadar mar shu plie ïa ka khyrdop, ki la ñiah pynsted ïa ki kali bad phah pyndem ka khlieh ïa ka Sonam Raghuvanshi bad saw ngut ki shynrang kiba donkti khnang ban ym ïohi ki paidbah ki thmu ban ïalam ïa ki sha ïingbishar kaba dei ka District & Session Court, Shillong kaba don hajan ka Deputy Commissioner East Khasi Hills District.
Kane ka jingïalam ki pulit sha ïingbishar ka dei hadien 7 kynta ba la wanlam ïa ki saw ngut ki shynrang na Indore, Madhya Pradesh ha Thanat Sadar lada kheiñ naduh ka por 10:00 baje mynstep jong ka 11 tarik Jylliew 2025.
Ha kine 7 kynta ki pulit ki la pynshong ïa kine san ngut ha Sadar ban tohkit.
Kum ban shu pynkynmaw ki pulit ka Meghalaya ki la wanrah beit-beit na Guwahati da ka kali sha thanat Sadar ïa kine saw ngut ki shynrang ha ka por 10:00 baje mynstep. Katba ïa ka Sonam Raghuvanshi ki pulit ki la ??p wanrah naduh ka step jong ka 11 tarik hadien ba la dep phah peit bniah ïa ka koit ka khiah ha ki doktor ka Ganesh Das hospital kaba don ha Lawmali.
La ïohi ruh ba u khlieh jong ka Special Investigation Team, Bah Herbert Pynïaid Kharkongor, MPS u la wan poi sha thanat Sadar ban pynlong ïa ka jingtohkit.
Hadien ba la dep tian bishar ha District & Session Judges ha ka por 6:00 baje janmiet la wanrah biang sha thanat Sadar Police.
