Shillong, Jylliew 11
Ka Musniang SS bad ka K.B Memorial SS ki la jam sha ka final ha ka Under-15 ki shynrang jong ka District Level Inter School Subroto Cup Football Tournament 2025 ba la pynïaid da ka shlem treikam jong ka District Sports Officer (DSO) East Jaiñtia Hills.
Ha ki jingïakhun semi final kiba la long ha ka sngi Balang ha madan Deinchynrum kaba ha Khliehriat, ka Musniang ka la pynliem noh ïa ka Rymbai Government da 6-1 kol bad ka K.B Memorial ka la jop da 2-0 kol ïa ka Wapung HSS.
Haba phai sha ki jingïakhun quarter final jong ka Under-17 ki shynrang, ka K.B Memorial SS ka la pynliem noh ïa ka Khliehriat HSS lyngba ka tie-breaker da 4-3 kol bad ka Seiñ Raij Tuber ka la jop da 2-1 kol ïa ka Musniang SS.
Lyngba kine ki nam jop ka K.B Memorial bad ka Seiñ Raij Tuber ki la ïasoh lang ryngkat ka Little Star SS bad ka Wapung HSS ban jam sha ka semi final.
