Shillong, Jylliew 11
Ki paidbah kiba la don hapdeng ka jingbitar ryngkat ki briew ba don jingïadei bad u briew ba la shah ktah kti, ki la wiang ding bad thang ïa kawei ka kali.
Katkum ka khubor kaba la ïoh na ki pulit la ong ba u Khabirul Islam bad u Rasidul Sk ki la leit ban ujor tang da ka ktien ha thanat Phulbari ha West Garo Hills ba ha ka 8 tarik mynta u bnai, ki runar kiba don kumba 4 ne 5 ngut kiba la wan da kawei ka kali ki la shoh la tied ïa u Rasidul Sk (28 snem) ha ka ïingsah jong u, kaba don ha ka shnong Puskunipara ha West Garo Hills.
La ong ba ha kane ka jingjia, na ka liang ki nongshong shnong ki la mih ban tuklar halor kane ka kam bad dei ha kane ka por ba kitei ki runar bym lah ban ithuh, ki la phet krad noh na katei ka jaka bad ban ieh noh ïa ka kali ha katei ka jaka.
Shuh shuh la ong ba kham hadien, na ka liang ki nongshong shnong jong katei ka shnong, ki la ïoh ban bat noh ïa uwei u briew ba la kynnoh donkti ha kane ka kam, ïa uba la tip kyrteng kum u Md Alom Ali (29 snem) bad ïa uba la leit ban aiti noh sha ki pulit. Katba ïa katei ka kali kaba la ieh ha katei ka jaka, na ka liang ki paidbah kiba la bitar puk ki la wiang ding syndon.
