Shillong, Jylliew 12
U rangïalehkai shakhmat jong ka Brazil, Matheus Cunha, u la ong ba ka jingphohsniew jong u ka la urlong hadien ba u la pyndep ïa ka jingïateh soskular na ka bynta ban leit ïasoh bad ka Manchester United ha ka jingsiew kaba £62.5m.
Ka United ka la pyntreikam ïa ka kyndon pyllait ha ka jingïateh soskular jong u Cunha bad ka Wolves mynta u bnai.
Kane ka soskular, ka la pynurlong ïa utei u rangïalehkai ban pyndep ïa ki jingdonkam jong ka visa bad ka jingpeit bniah ïa ka jingsumar. Te kumta u Cunha u la pyndep ïa kane ka jingïateh soskular kaba san snem bad lah ban bteng sa 12 bnai lada donkam.
“Ka long kaba eh ban buh ha ki kyntien ïa ka jingsngew jong nga ban long u rangïalehkai ka Manchester United,” u la bynrap.
“Naduh ba nga dang khynnah ha Brazil nga peit ïa ki jingïalehkai Premier League ha TV ha ïing jong ka kmie tymmen jong nga, ka United ka dei ka kynhun ïalehkai ha England kaba nga ïeid eh bad nga thrang ba shisien ka sngi kan ïoh phong ïa ka sopti rong saw.”
“Nga kwah ban ai khublei ïa ka ïing ka sem jong nga bad ïa baroh kiba la ïarap ïa nga ban pynlong ïa kata ka jingangnud kaba shisha.”
U Cunha u la thep 31 kol ha ki 76 tylli ki jingïakhun ha baroh ki jingïakhun na ka bynta ka Wolves hadien ba u la ïasoh na ka Atletico Madrid ha u snem 2023.
“Ka jingwanrah ïa u Matheus ka dei kawei na ki jingthmu ba kongsan jong ngi na ka bynta kane ka aïom lyiur, kumta ngi sngewkmen ban pyndep ïa ka jingsoi jong u ha kane ka sngi kaba dang sdang bha,” la ong u director football jong ka United, u Jason Wilcox.
‘Ka jingïatylli ka long kaba donbok ba ki dang don ka jingkyrpad kaba pawnam’.
Hadien ba ka United ka la thep 44 kol ha ki 38 tylli ki jingïalehkai mynshem samoi ban pyn-khlaiñ ïa ka jingïakhun ka long kaba shai bha na ka bynta u manager u Ruben Amorim.
Wat la um dei u rangïalehkai ba paw, hynrei u Cunha u la thep 27 kol ha ki 65 tylli ki jingïalehkai ha ka league na ka bynta ka Wolves ha kine ki ar samoi ba la dep.
U Antony bad u Rasmus Hojlund ki la wan poi ha ka Old Trafford na ka bynta ka jingsiew kaba heh bha ha kine ki snem ba la dep bad ki la ïaleh shitom ban pynïahap bad ka Premier League.
Ha ka jingshisha ka Newcastle United, ka ban sa ïalehkai ha ka Champions League jong ka aïom ban wan, ka la don ka jingangnud ban soi ïa u Cunha.
Ka United kaba khlem ïoh ïalehkai ha ka phutbol ha European ha ka aïom ban wan bad ka la long palat lai snem naduh ba ka la rung sha ka pre-quarter ha ka Champions League.
“Ka United ka long kaba donbok ba ka dang don ïa ka jinglong tynrai jong ka bad ka nam kum ka klob, kumta ki nongïalehkai kum utei uba na Brazil uba dang kwah ban leit ïasoh sha ka,” ong u Fara Williams, u rangïalehkai barim jong ka England.
