Guwahati, Jylliew:
Ka India Meteorological Department (IMD ka la pynmih ïa ka jingmaham halor ka jingshit ha Assam, ha kaba ka ïathuh ba ka jingshit, kan dang palat ïa kaba ju long ha kine ki ar ne lai sngi ban wan.
Ha ka jingpynbna ba thymmai jong ka, ka IMD ka la pynthikna ba ki nongbah ha kylleng ka Assam, kynthup ïa ka Guwahati, Dibrugarh, Tezpur, bad Jorhat, ki la ïoh ïa ka jingshit jingkhriat kaba jur ha ka 10 tarik u Jylliew, kaba palat lypa ïa ka jingshit kaba ju ïoh man ka sngi.
Kumba la buh jingkheiñ, la ong ba ka jingshit ha Guwahati ka la long 37.3°C (4.8°C palat ia kaba ju long), ha Dibrugarh, 37.7°C (6.2°C na kaba ju long), ha Tezpur: 37.5°C (5.9°C palatïia kaba ju long), ha Silchar: 37.0°C (5.0°C palat ïa kaba ju long), ha Dhubri, 36.1°C (4.8°C na kaba ju long), ha Jorhat: 37.6°C (5.0°C na kaba ju long) bad ha North Lakhimpur: 38.0°C (6.2°C na kaba ju long). Ha kawei pat ka bynta, ka Guwahati na ka 37.3°C (ka la kiew da 4.8°C), ha Dibrugarh, 37.7°C (ka la kiew da 6.2°C) ha Tezpur: 37.5°C (da 5.9°C), ha Silchar: 37.0°C (ka la kiew da 5.0°C) ha Dhubri: 36.1°C (ka la kiew da 4.8°C), ha Jorhat: 37.6°C (ka la kiew da 5.0°Cl) bad ha North Lakhimpur: 38.0°C (da 6.2°C)
Ka ophis treikam jong ka tnat ba dei khmih mariang ka khmih lynti ba ka jingshit kaba jur tam jong ka jylla kan dang long 3°C haduh 5°C kaba kham heh ban ïa kaba ju long, da kaba khmih lynti tang khyndiat ne ym don jingpynjem ha ki sngi ban wan.
Ka jingkiew ka jingshit ka lah ban wanrah ïa ka jingshit kaba jur ha kylleng ka thaiñ, kaba pynkiew ïa ka jingma na ki jingpang kiba ïadei bad ka jingshit kum ka jingshit bad ka jingkhriat, khamtam eh hapdeng ki briew kiba rit paid.
Ki heh jong ka IMD ki la kyntu ïa ki paidbah ba kin shim ïa ki lad jingïada kiba donkam. Ki la pynpaw ïa ka jingma kyrpang ïa ki khyllung, ki rangbah kiba la kham san, ki kynthei kiba armet, bad ki briew kiba don ïa ki jingpang kiba la neh.
