Shillong, Jylliew 13:
U Chairman ka CoMSO u bah Roykupar Synrem u la ong ba Lada ngin don ïa ka Inner Line Permit (ILP) ki briew ba wan pynïap kin jin lada pyrkhat bha shwa ban leh ïa kum kine ki kam hapoh ka Jylla jong ngi.
Ïa kane u bah Roykupar Synrem u la pynpaw sha ki lad pathai khubor mynta ka sngi thohdieng ka 13 tarik u Jylliew 2025 hadien ba ka seng ka la sangeh noh ïa ki jingïakhih ban shong kyllaiñ mungor hakhmat ka khyrdop Secretariat.
Kane ka jingwan dawa biang ka seng ïa ka ILP na ka sorkar jylla kadei hadien ka jingjia shah pynïap u Raja Raghuvanshi ha ki 4 ngut ba kynthup ruh ka jingsuba donkti lang ka Sonam kaba dei ka kurim jongu halor kane kam pynïap, ha kaba kine ki briew ki ba leh ïa kane ka kam kim dei ki Khasi hynrei kidei ki briew ki ba nabar, ka ba ka seng ka ong ba ka jingshlur ki briew ba nabar ban leh ïa kum kine ki kam kadei namar ba ka Jylla kam don ïa ki aiñ ban ïada ïa ka jingwan rung kyrthlep ki briew ba nabar Jylla.
Kum ka kynhun ngi pynpaw ka jingsngewsih halor kine ki jingjia ki ba la wan jia hapoh ka Jylla bad ym dei tang mynta hynrei ki lah don shibun ki jingjia, hynrei kane ka jingshah pynïap u ne u briew na kawei ka Jylla da ki briew ki badei na kawei ka Jylla ki ba wan ban pynjaboh ïa ka ri ka jong ngi ban wan pynïap iap ia u briew Bad bret ïa kamet kadei namar ba ka Jylla kam don ïa kata ka ILP, la ong u Bah Roykupar.
“Bad jin lada ngi la don ïa ka ILP kine ki briew kin jin la hap ban pyrkhat bunsien ban wan leh ïa kum kine ki kam sniew,”la bynrap u Bah Roykupar.
U la ong ba lada jin ba ka Jylla kan don ïa ka ILP,haba ki briew ki wan ban rung shapoh ka Jylla jong ngi kin hap ban ïa ïa ka kyrteng lajong bad ki hap ban ïa ka jaka ba ki sah ruh, ba u wan naei? un leit shaei?,un shong katno sngi? bad un sah haei?. Kumta u la ong ba lada ngi la don ïa ka ILP ngi la dep tip naduh kato ka sngi ba ka Sonam Rahguvanshi bad ki 4 ngut ki la dep ban mih na kane ka Jylla bad ruh haba ka Sonam Raghuvanshi ka wan lang bad u lok u Raja Raghuvanshi hynrei ha kapor ba kam leit ka leit marwei bad ki pulit ki ladei ban tip bad lap suk naduh kato hi ka miet.
Hooid kane ka jingdawa jong ka seng ban pyntreikam noh ïa ka ILP na ka sorkar kadei na kapor sha kapor, hynrei ka sorkar ka la ong iaishah ngi la ïakren bad ka sorkar kmie hynrei naduh u snem 2019 haduh u snem 2025 ngim pat shem la ïohi ba kamn sorkar pdeng kan on gHooid ne em ïakata kan jngdawa jongki, la ong u Bah Roykupar.
U la ong ruh ba ka long lehnoh ei ïa ka jingpass ïa ka Resolution jong ki 60 ngut ki MLA ki ba long ka sur jong u paidbah bad jong ki nongshong shnon gjong ka Jylla namar ka sorkar India kam burom ïa ka sur jong u paidbah.
U la buh jingkylli ruh ïa ka sorkar India ba kaei ka ba la pynlong ïa ka ban nym pynurlong ïa kane ka mad jingdawa ka ba la iaid mynta la bun bun snem. Ka seng ka la buh ruh ïa ki mad jingdawa sha ka sorkar Jylla ki ba kynthup ban thaw ïa ïa ka Special Investigation Team (SIT) ha man la ki distrik ban lap ia uno uno u briew u ba wan beaiñ hapoh ka ri jong ngi nalor kiwei kiwei de ki mad jingdawa.
