Shillong, Jylliew 13
Shongshit ka tamasa pynlong jingïakop ñiah thuk-thuk ha Guwahati ka “Moto-X Madness Dirt Track Showdown” kaba la khring ïa ki nongñiah kali ba paw na kylleng ka ri India bad Nepal. Ha kane ka lympung tamasa la wan shim bynta da bun ki nongïalehkai na kylleng ka thaiñ shatei lam-mihngi ka Ri kynthup na ka jylla Assam, Nagaland, Arunachal Pradesh, bad Meghalaya. U Meban Aiboklang Suiam na Meghalaya u la paw ha kane ka jingïakob.
U Suiam u la pyni ïa ka jinglehkai kaba tbit bad khlain bha, u la ïoh ïa ka kyrdan ba nyngkong ha ka kyrdan Expert Class, u la wan ba ar ha ka kyrdan Open Class, bad khatduh u la ïoh ïa ka nam kaba la kwah eh kum u “Best Rider of the Day.” Ka jingtriem pyni-sap jong u ha kane ka tamasa ka pynpaw ïa ka jingkiew kane ka kam ïalehkai ñiah thuk-thuk ha ka ri India.
Kane ka jingjop ha kane ka kynti ka pyndap shuh-shuh ïa ki rekod jingjop u Suiam, ha kaba u la ïoh khur ruh ïa ka takma rupa ha ka kyrdan ïalehkai Men Elite Downhill Category jong ka 21st National Mountain Bike Championship 2025 kaba la long ha Haryana. Ka jinglong ïaineh, jingtrei shitom bad ka jingsngewtynnat jong u ka dang ïai bteng ban ai mynsiem ïa ka pateng ban wan ïa ki nongñiah thuk-thuk na ka thaiñ shatei lam-mihngi.
