Shillong, Jylliew 13
U Sub-Divisional Officer (C), Pynursla Civil Division, Pynursla, lyngba ka kyrwoh, u la pyntip sha baroh ki nongleit nongwan ba yn sa khang shipor biang ïa ka shilynter jong ka surok hapdeng ka Laitlyngkot bad Lyngkyrdem (Chainage Kms 24+00 – 37+00) ïa baroh ki kali ba leit ba wan manla ka sngi naduh ka 16 tarik Jylliew, 2025 haduh ka 20 tarik Jylliew, 2025 bad ki por ki long naduh 8 baje mynstep haduh 11 baje mynstep bad 1 baje nohphaisngi haduh 4 baje janmiet.
La kyrpad ruh ïa baroh ki nongïaid nongïeng ba kin khreh biang por lypa ïala ka jingleit jingwan jong ki ha kitei ki sngi bad ki por ba la buh na ka bynta ka jingmyntoi lang jong uba bun bad ka jingpyndep biang por ïa ka jingshna surok, pynkut ka kyrwoh.
