Washington, Jylliew:
U President ka United States ha ka Sngi Palei u la iathuh ba ka US kan ialeh katba lah ban khanglad ia ki jingthmu jong ka Iran haba iadei bad ka kam nuclear hynrei u la ong pat ruh ba ka Islamic Republic ka dei ban kynran dien bad sangeh noh ia ka jingkyrmen ban wanrah ia ki tiar thma nuclear.
U Trump u la ong ba ka US kan iai pyrshang shitom ban khanglad ia ka jingthmu jong ka Iran haba iadei bad ka projek nuclear jong ka Iran.
Namar u la ong ba ka sorkar jong u ka la shimkhia ban iakren bad ka Iran haba iadei bad kane ka mat.
Shuh shuh ruh u la ong ba kitei ki ri ki lah ban long ki ri kiba khlaiñ bor bad ki ban nang kiew shaphang, hynrei ki dei ban klet bad phai dien noh na ka jingbuh jingkyrmen jongki ha ki kam nuclear.
