Shillong, Jylliew 16
Ka shlem treikam u District Sports Officer ha ryngkat ka jingïatreilang bad ka District Social Welfare Officer, Ri-Bhoi District kan pynlong ïa ka jingïakob mareh ba la tip kum ka “5K Run Against Drug Abuse and Illicit Trafficking” kaba long shi bynta ban rakhe ïa ka International Day against Drug Abuse & Illicit Trafficking 2025 ha ka 25 tarik mynta u bnai.
Kane ka jingïakob kan long na ka bynta ki kynthei bad shynrang kiba palat 14 snem shaneng ha kaba yn sdang na Saiden Indoor Hall sha NSCA Indoor Hall, Umlyngkdait ha ka por 7 baje mynstep.
Te kumta la wer ïa baroh ban wan ïashim bynta ha katei ka jingïakob mareh. La pynkhreh ruh ia ki khusnam pisa na ka bynta ki nongjop kaba long T.2,000/-, T.1,500/-, bad T.1,000/- nalor ki khusnam kyrpang na ka bynta ki nongïashim bynta kiba la kham rangbah.
Ka tarik khatduh ban pynrung kyrteng kan long ha ka 24 tarik mynta u bnai. Ki nongïashim bynta kiba la kham rangbah ki dei ban pyni ïa ka Original Epic Card ha ka por ba pynrung kyrteng bad ha ka 25 tarik.
