Shillong, Jylliew 16
Kawei ka longkmie kaba dei na kawei na ki dong ha nongbah Shillong, ka la shah thok pisa da ki phew hajar lyngba ki rynsan ‘social media’.
Katkum ka khubor kaba la ïoh na ki pulit la ong ba katei ka longkmie ka la ai ka jingujor ba ha ka 1 tarik u Ïaïong, 2025, ka la ïohi ïa kawei ka jingpynbna (advertisement) ha ka rynsan ‘Instagram’, kaba ïadei bad ka kam bei pisa bad haba ka la ñion ha ka link kaba la ai, la bthah ba kan plie sa ïa kawei ka account Telegram ha ka kyrteng jong ka ‘Pooja Sawant’, ha kaba la pynngop ba kan bei pisa bad kan ïoh kylla pat ka jingïoh kaba heh.
La ong ba hadien kane, katei ka longkmie ka la phah ïa ka pisa kaba long T.12,000, T.23,384 bad T.26,892 sha lai ngut ki briew ba kynthup ïa u Ayush, Nirmal Singad bad u Anshuman Nath. Hynrei kham hadien ka la sngewthuh ba ka la dep ban shah thok bad shah shukor.
