Khliehriat, Jylliew 17
Namar ka jinglong-jingman ka suiñbneng, u Deputy Commissioner bad Chairman ka District Disaster Management Authority, East Jaiñtia Hills District u S Awasthi, IAS ha ka 17 tarik Jylliew u la pynmih ïa ka hukum kaba bthah ban khang ïa baroh ki skul bad kolej hapoh ka district ha ka 18 tarik Jylliew.
Ïa kane ka hukum la pynmih hadien ka jingmaham na ka India Meteorological Department (IMD) ba kan don ka jingther u slap jur ryngkat u pyrthat bad ka ‘leilieh ha ki jaka bapher-bapher jong ka East Jaiñtia Hills District.
Ban lait na kano-kano ka jingjia, u DC u la bthah ïa baroh ki skul bad kolej ban khang khyrdep lut ha katei ka tarik hapoh ka district.
