Shillong, Jylliew 18
Kawei ka longkmie ka la mynsaw hadien ba ka la shah thombor da ka tari ha uwei u briew ha Rilum Garo.
Katkum ka khubor kaba la ïoh na ki pulit la ong ba ka Enora A Sangma ka la ai ka jingujor ba ha ka 15 tarik mynta u bnai ha ka por kumba 5.20 janmiet, uwei u briew ba la tip kyrteng kum u Tyson K Marak (34 snem), u la thombor ïa ka da ka tari ha ka shnong Upper Wadanang, Jangga, Tura ha West Garo Hills. La ong ba ha kane ka jingjia kane ka longkmie ka la mynsaw bad la pynkit noh sha ka jaka ai jingsumar ha Civil Hospital Tura.
