Shillong, Jylliew 18
Ar ngut ki longkmie na Rilum Garo ki la shah thok pisa da ki lak tyngka ha uwei u briew uba la kam ba u lah ban pynïoh kam Sorkar ïa ki khun jong ki, ha ka kynhun Border Security Force (BSF).
Katkum ka khubor kaba la ïoh na ki pulit la ong ba kawei ka longkmie kaba sah ha kawei na ki dong ha West Garo Hills ka la ai ka jingujor ba ha ka 5 tarik Risaw, 2021, uwei u briew ba la tip kyrteng kum u Abdul Salam Shah, uba la kam kum u nongïalam jong kawei ka seng saiñ pyrthei bad uba don ka jingïadei kaba jan bad u Myntri ka tnat Kam Pohïing ka Sorkar Kmie, u la thok pisa ïa ka haduh T.8 lak da kaba kular ban pynbiang kam Sorkar ïa u khun jong ka ha BSF.
Kumjuh, na ka liang kawei ka longkmie kaba na West Garo Hills ka la ai ka jingujor ba ha ka 5 tarik Risaw, 2021, uwei u briew ba la tip kyrteng kum u Abdul Salam Shah, u la thok pisa ïa ka haduh T.8.5 lak halor ka jingkular ban pynïoh kam Sorkar ïa u khun jong ka, ha BSF.
