Jowai, Jylliew 18
Ban lait na ki jingleh thok haba pynlong ïa ka eksam kam, ka Jaiñtia Student Union (JSU) Shillong Circle ka la dawa na ka Sorkar Jylla ban khang ïa ka internet.
Ïa kane ka jingdawa, ka JSU ka la pynpaw lyngba ka jingthoh ba ka la phah sha u Symbud Myntri Rangbah ka Jylla u Bah Prestone Tynsong uba khmih ruh ïa ka tnat Kam Pohïing ka jylla.
“Ngi shim ïa kane ka rai ban ai jingmut ïa ka Sorkar ban khang ïa ka kor internet, hadien ba ngi la ïoh bun ki jingmudui (complaints) na ki paidbah, ki nongwad kam kiba kwah ïa ka lynti kaba khuid,” ong u A Suchiang, JSU Adviser. U la bynrap da kaba khang ïa ka kor internet, lah ban pynduh ïa ki kam leh thok ha ka por eksam khamtam ha kane ka juk Artificial Intelligence ne AI ka long kaba suk bha ïa ki ban leh tuh namar ki lah ban ïoh ïa ki jubab ba paka da kaba pyndonkam ïa ki katto-katne ki AI tools.
Nalor ka jingkhang internet, dei ruh ban talasi bha ïa ki kyrtong naduh na khyrdop kumjuh ha exam hall, bad ban buh ruh ïa ki kor CCTV ha man ki exam hall,” la ong shuh shuh u Adviser ka JSU.
