Washington, Jylliew:
Ka tnat shipai jong ka US ka dang phah shuh shuh ïa ki liengsuiñ ïapom sha Middle East bad ka la nang pynjur ia ka jingphah ïa kiwei pat ki liengsuiñ thma ban pynkhlaiñ ïa ki shipai jong ka US ha kane ka thaiñ na ka bynta ban pahara ia katei ka thaiñ katba ka thma hapdeng ka Israel bad ka Iran ka dang iai bteng.
Uwei na ki heh sorkar u la iathuh ba ka US ka la phah ia bun jait ki liengsuiñ iapom sha Middle East, kiba kynthup ia ki liengsuiñ iapom F-16, ka F-22 bad ka F-35.
Ar ngut na ki heh sorkar ki la pynpaw ka jingdonkam ba kongsan halor ka rukom treikam jong kitei ki liengsuiñ iapom, kiba lah ban pyndonkam ha ka ban siat ia ki drone bad kiwei de.
