Shillong, Jylliew 18
Ka Laitumkhrah SC ka la ïoh jingjop kaba nyng-kong ha ka 4th Division Under-20 Football league 2025, hadien ba ka la pynliem noh ïa ka New Challenger FC da 4-1 kol, katba ka Umsohsun SC bad ka Mawpdang SC ryngkat ka Pommura SC bad ka Laitlulong SC ki la ïasam mar shi point.
Ha kane ka jingïa-khun kaba la long ha ka Sngi Balang ha SSA Stadium kaba ha First Ground, Polo, ki rang-ïalehkai Laitumkhrah ki la lah ban ïalehkai bha naduh kaba sdang ha kaba ka la ïoh ban pynkhihjar nyngkong eh lyngba u Hamlet Thabah ha ka minit kaba 13.
Hadien shiteng kynta kane ka kynhun ka la thep kol biang lyngba u Meban-khraw Nongrum ha ka minit kaba 43 bad kawei pat na u Hamebanshanlang Kharbangar (57).
Hapdeng kane ka jingïakhun ka New Chal-lenger ka la lah ban pynphai kylla shi kol lyngba u Samborlang Jyrwa ha ka minit kaba 70. Ha shwa ban wai ka Laitum-khrah ka la thep biang ïa ka kol kaba saw bad kaba khatduh lyngba u Me V Ba AI Sumer (80+4) na ka bynta ban jop shi syndon.
Ha kawei pat ka jingïakhun kaba la long kham shwa hapdeng ka Umsohsun SC bad ka Mawpdang SC ki la ïakhaid mar 1-1 kol. Na ka Mawpdang la thep da u Sparkle Swer (40+2), hynrei u Balajied Khonglam (67) u la pynïakhaid kylla na ka bynta ka Umsohsun.
Haba phai sha kawei pat ka jingïakhun hapdeng ka Pommura SC bad ka Laitlulong SC ki la ïakhaid mar 1-1 kol. Na ka Pommura la thep da u Kitbok Thabah ha ka minit kaba 18 bad na ka Laitlulong la thep da u Bankerlang K. Dewsaw (24).
