Shillong, Jylliew 19
Ki pulit ki la ïoh ban bat noh ïa ki ar ngut nong Bangladesh bad ryngkat u nongñiah jong kawei ka kali kaba la kit bad uwei u nong India uba la don lang hapoh ka kali.
Katkum ka khubor na ki pulit la ong ba ha ka 17 tarik mynta u bnai, ki pulit ki la bat ïa ki ar ngut nong Bangladesh, kita ka Asha Aktar (25 snem) na Dhaka, Bangladesh bad u Md. Tutul (35 snem) na Sapur, Bangladesh. Ïa kine baroh ar ngut la ïoh bat na ka surokbah NH-40, Shillong-Dawki, katba ki dang don ha kawei ka kali kaba don ïa u registration number ML05-AE-8719ba la ñiah da u Daniel Nongrum (19 snem).
Shuh shuh na ka liang jong ki pulit, ki la rah noh ïa u nongñiah jong kane ka kali bad ruh ïa uwei pat u nong India uba shong lang ha kane ka kali ba la tip kyrteng kum u Fernando Pyngrope (21 snem).
