Washington, Jylliew:
Ka tnat Embassy jong ka US ha Jerusalem ka la khang khyrdep noh naduh ka Sngi Balang haduh ka Sngi Thohdieng namar ka jingbym shngaiñ shuh jong ka jinglong-jingman ha katei ka thaiñ bad ban bud ia ki jingpyn-iaid ba la bthah da ka Israel ha kane ka por.
Namar la ong ba ka thma jong ka Israel ka la neh la hynriew sngi mynta bad kumta ka US ka iohi ia ka jingma bad ka jingbym shngaiñ namar ka jingiakynad jong kitei arliang mamla. Namar kata, ka la rai ban khang bad pynsangeh treikam shwa ia katei ka tnat kumba katto-katne sngi ban ioh peit-thuh shwa ia ka jinglong- jingman jong ka thma hapdeng ka Israel bad Iran ioh lehse kiei-kiei baroh kin kham biang noh ha kine lai sngi ban wan.Khang khyrdep ka tnat Embassy jong ka US ha Israel namar ka thma
