Shillong, Jylliew 19
Halor ka jingmih ki khubor ba ka la don ka jingïakren phone barabor hapdeng ka Sonam bad uwei u briew uba la tip kum uta u Sanjay Verma, mynta la mih ka khubor ba u Sanjay Verma u dei hi u Raj Kushwaha hynrei u la pyndonkam da ka kyrteng Sanjay Verma hapoh Truecaller.
Katkum ki tyllong khubor na ki pulit ka East Khasi Hills la ong ba u Sanjay Verma um don bynta eiei hynrei ka dei ka kyrteng ba la pyndonkam da u Raj ha Truecaller.
Lah ban kdew ba ha ka Sngi Balang ka la mih paw sa ka kyrteng jong u Sanjay Verma, kaba ki pulit ki la lap ha ki call record ba ka Sonam ka ju ïakren phone barabor bad une u briew, ki pulit ki la ïoh ïa ki call record jong ka Sonam bad u Sanjay kiba don haduh 119 tylli ki jingïakren jong ki lyngba ka phone hapdeng ka 1 tarik u Lber haduh ka 25 tarik Lber, hynrei mynta pat ka phone jong u ka Switch Off.
Hadien ka jingtohkit bniah ki pulit, mynta la lap ba uta u Sanjay Verma u dei hi u Raj uba u la shu pyndonkam ïa katei ka kyrteng hapoh Truecaller.
