Shillong, Jylliew 20
Ka Inter Miami CF ka la thaw ïa ka histori ha ka janmiet Sngi Thohdieng jong ka lympung FIFA Club World Cup 2025 da kaba pynliem ïa ka FC Porto ka klob na Portugal da 2-1 kol ha ka rukom ïalehkai kaba itynnad bad ban ïoh jingjop kaba nyngkong eh jong ka klob ha ka lympung ïalehkai jong ka pyrthei. Nalor kata, kane ka jingjop ka la pynlong ïa ka Inter Miami ban long ka klob ba nyngkong eh ha ka histori jong ka CONCACAF ban pynliem ïa ka kynhun pyrshah na Europe ha ka jingïakhun ba la pynbna kaba don jingthoh jingtar (official competition) bad ka kynhun ba nyngkong na US ban jop ha ka jingïalehkai ha ka Club World Cup.
Ki kol kiba itynnad bha na u rangïalehkai shapdeng u Telasco Segovia bad u kapten Lionel Messi ki la pynskhem ïa ka jingjop biang jong ka Inter Miami ha ka madan Mercedes-Benz Stadium ha Atlanta, Ga.
Kaba kham kongsan ha kane ka jingïalehkai ka long ka jingïalehkai kaba phylla jong u Messi ka jingïoh ban thep kol lyngba ka free-kick kaba la pynlong ïa u ban kynjoh sha 50 tylli ki kol ha baroh ki jingïalehkai na ka bynta ka Club.
