Imphal, Jylliew:
Ki pulit ka Manipur ki la kem ïa arngut ki briew ha Bishnupur bad Thoubal distrik halor ka jingkynnoh ba ki dawa pisa na ki paidbah da kaba shu kam thok ba ki don ka jingïadei kaba jan bad ki kynhun ba kyrshan ïa ki lehnoh kiba don ha ka jaka them, la ïathuh uwei u heh pulit hynnin ka sngi.
Katkum ka jingong jong une u heh sorkar, ki pulit ki la kem ïa kine ki briew ha ka por ba ki pynlong ïa ki jingwad bniah ha ki distrik jong ka Manipur, Thoubal bad Bishnupur ha kine ki 24 kynta ba la leit. .
Ha ka jingkhynra, ki pulit ki la ïoh ban kem ïa u Nameirakpam Dhamen Singh (49 snem), uba la tip ruh da ka kyrteng kum u Meitei, uba shong basah ha Bashikhong Khudekpi Mamang Leikai, Imphal East District, na Kwakta Terakhongshangbi Bazar katba u dang trei shitom ha ki kam dawa pisa, da kaba thmu ïa ki riew paidbah, ki nongkhaïi jong ka thaiñ, bad wat ïa ki jaka triekam sorkar ruh.
U heh pulit u la pyntikna da kaba ong ba u Dhamen u don ka jingïadei bad ka kynhun People’s Revolutionary Party of Kangleipak (PREPAK).
Ha kawei pat ka jingkhynra ba kyrpang, ki pulit ki la ïoh ban kem ïa u Thoudam Doren Singh (32 snem) uba la tip kyrteng kum u Saphaba uba na Thoudam Mamang Leikai, Thoubal Elaka, na Sekmaijing Khunou ha Kakching Elaka.
U Doren u la pynlong kum u paralok jong ka kynhun ïalehkai paidbah jong ka Kangleipak kaba la khang pyrshah, la ong u heh pulit.
Ki pulit ki la pynthikna ba ki briew kiba la shah kem ki la dawa pisa na ki paidbah, ki nongdie marbam, ki dukan mobile, ki pump umphniang, bad ki dukan die tiar ha kylleng ka thaiñ jong ka jaka them.
U heh pulit u la bynrap ruh ba na ka jingdon jong ki ki pulit ki la ïoh ban kurup 69 tylli ki kuli .303 mm, khatphra (18) tylli ki kuli 7.62 mm SLR, 16 song ki kuli 9 mm, Hynriew (6) song ki kuli .32 mm bym pat pyndonkam, lai (3) tylli ki kuli ka 12 Bore, khatlai (13) tylli ki kaba rong rupa kaba don ïa u Registration Number MN06L-3595, ha ryngkat ka Vehicle Registration Card, ar tylli ki Mobile phone ha ryngkat ar tylli ki Jio SIM card, bad kawei ka bek pisa kaba don ïa u Aadhaar card.
