Tehran, Jylliew:
Ka Iran ha ka Sngi Palei, ka la thung ïa u heh duh ba thymmai jong ka tnat syntiat ‘Revolutionary Guards’ hadien ba u heh duh barim u la kyllon iap ha ka jinghiar thma jong ka Israel ha ka taiew ba ladep.
U Major General Mohammad Pakpour, uba dei u nongialam jong ki shipai Islamic Revolutionary Guards Corps (IRGC) jong ka Iran, u la thung ia u Brigadier General Majid Khadami kum u khlieh duh ba thymmai jong ka tnat syntiat ha katei ka sngi.
Utei u nongialam u la mihpli ha ka jaka jong u Mohammed Kazemi, uba la shah pyniap ha ka Sngi U Blei ryngkat bad ar ngut kiwei pat ki heh ka tnat-Revolutionary Guards, kiba kynthup ia u Hassan Mohaghegh bad u Mohsen Bagheri, ha ka por ka jingleit hiar thma jong ka Israel.
U Pakpour, u la shah thung dang shen, hadien ba ka Israel, ka la pyniap ia u, U Hossein Salami, uba la long ha shuwa jongu, ha ka jingiakhih ha ka 13tarik Iaiong.
Ka Israel, ka la hiar thma da ki liengsuiñ, ha ka taiew ba la dep, ha Iran, ha ka taiew ba la dep, da kaba kam ba u nongshun ba khraw jong ka, u don ha ka lynti ban shna ïa u tiar nuclear, kaba ka Iran, ka kyntait.
Ka Israel, ka la pyniap ia ki katto katne ki heh ophisar jong ka Iran, kaba la pynlong ia ka jinghiar thma pyrshah jong ka Iran, kaba ha ka sngi Thohdieng, ka la hiar thma ia kawei ka hospital jong ka Israel.
Hadien ba la thung ïa u da u nongïalam ba ha khlieh duh jong ka Iran, u Ali Khamenei, ha ka sngi palei ba la dep, u Pakpour, u la byrngem ban plie “ïa ki khyrdop jong ka dujok” kum ka jingsiew kylliang halor ki jingthombor jong ka Israel.
Ki ‘riew pawkhmat jong ka Israel ki la ïakren pathar shaphang ka jingpynïap ïa u Khamenei.
