Shillong, Jylliew 20
Ka India bad ka Pakistan kin ïakhun pyrshah ha ka Women’s Cricket World Cup 2025 jong ka International Cricket Council (ICC) kaba la thmu ban long ha ka 5 tarik u Risaw. Kane kan long ruh hadien san bnai ba kine ar tylli ki ri ki la don hapdeng ka jingïakynad.
Kine ki kynhun kiba khlaiñ bor ha ka kriket kin ïakhun pyrshah ruh ha ka jingïalehkai group jong ka ICC Women’s T20 World Cup 2026 ka ban long ha ka 14 tarik u Jylliew, katkum ka prokram ïalehkai ba la pynbna da ka ICC ha ka Sngi Balang.
Ka India kan pynlong ïa ka World Cup 2025 kaba 50 over naduh ka 30 tarik u Nailur haduh ka 2 tarik u Naiwieng, hynrei baroh ki jingïalehkai jong ka Pakistan – kynthup ïa kino-kino ki jingïalehkai ha ka semifinal bad phainal – yn pynlong ha Sri Lanka namar ba baroh ar tylli ki ri ki la mynjur ïa ka jingïateh soskular ha u Nohprah 2024 ban ïalehkai ha ka jaka kaba laitluid.
Ka India bad ka Pakistan, ki la ïakhun saw sien mynshem bnai, kaba dei ka jingïakhun kaba shyrkhei tam jong ki, naduh u snem 1999, shwa ban ïakut ban sangeh ïasiat, ha ka 10 tarik u Jymmang. Ki la don palat 70 ngut ki briew kiba la ïap halor ka jingïather bom bad pynher drone bad ki jingïasiat para ma ki.
Hadien ka jingjur jong ki jingeh, katto-katne ki lad pathai khubor jong ka ri India ki la pynpaw ba ka Board of Control for Cricket in India (BCCI) ka la kyrpad ïa ka ICC ba kan kiar na kaba pynngat ha kajuh ka group bad ka Pakistan ha ki lympung ïalehkai ka pyrthei.
Hynrei, u Vice President ka BCCI, Rajeev Shukla, u la pynthikna ba katba ka India kam “kwah ban ïalehkai bad ka Pakistan kat kum ka nongrim jong ka Sorkar”.
