Shillong, Jylliew 22
Ka Mawkasiang SC, Lapalang SC bad ka Them Rangshken SC ki la ïoh jingjop ha ka lympung ïalehkai 4th Division Under- 20 Football League 2025 ba la pynïaid da ka Shillong Sports Association.
Ha kane ka jingïakhun kaba la long ha ka sngi Saitjaiñ ha SSA Stadium Polo, ka Mawkasiang ka la pynliem noh ïa ka Summit FA da 3-0 kol. U Kyrmen Mukhim u la thep ar kol ha ka minit kaba 49 & 78, katba ïa kawei pat la thep kham hashwa da u Goeff Suting (36)
Ka Lapalang SC ka la jop da 2-1 kol ïa ka Nongthymmai R Nongkynrih. Wat la kine ki kynhun kim shym la lah ban thep kol ha ka kylla step, pynban ka Lapalang ka la ïoh ban thep ar kol lyngba u Ryntihlang Marap ha ka minit kaba 51 bad u Superlative Khongaiñ (72) ha shwa ba u Shain Mujai (73) un pynphai kylla shi kol na ka bynta ka Nongthymmai R Nongkynrih,
Haba phai sha kawei pat ka jingïakhun kaba khatduh, ka Them Rangshken ka la pynliem noh ïa ka Lummawbah SC da 3-2 kol.
Na ka Lummawbah la thep da u Fredy Ryntathiang ha ka minit kaba 23 bad u Bajeid-lang Rangslang (56), hynrei ka Them Rangskhen ka la lah ban pynphai kylla lyngba u Elban Kurbah (27), Batisha Langstieh (62) bad u Neban Janong (71).
