Ottawa, Jylliew:
Ka India bad ka Canada ha ka taiew ba la lah, ki la mynjur ban thung biang ïa ki nongmihkhmat sha ki nongbah jongki markylliang, hadien katto katne bnai jong ka jingïakynad kaba jur hapdeng kine ki ri. Katei ka jingseisoh jong ka jingiakynduh hapdeng jong ki, ka long hadien ba u Narendra Modi, u Myntri Rangbahduh ka ri India, u la ia kynduh ia utei u paralok jong u- u nongialam ka Canada, u Mark Carney, ha shilynter jong ka jingialang jong ka kynhun ‘Group of Seven’ (G7 Summit’ ha ka nongbah Kananaskis jong ka ri Canada.
Namar la ong ba ka jingïadei hapdeng kitei ki ar tylli ki ri, ka la nang sniew ha u snem ba la dep, hadien ba u Justin Trudeau, u nongialam barim jong ka Canada, uba hashwa jong u Carney, u la kynnoh paidbah ïa ka India ba ka donkti ha kaba pynïap ïa u Hardeep Singh Nijjar, hapoh ka u pud- u sam jong ka ri Canada, ha kaba, ka India ka la kyntait jur ba kam shym la don kti eiei ha katei ka jingpyniap ia utei u nongshong shnong ka India uba la kylla long noh u nongshong shnong ka ri Canada hadien ba u la shah thwet na India halor katto- katne ki kam thombor jong u ha India
Mynta u nongmihkhmat ba thymmai jong ka Canada, u Carney, u ba dang shu shimti ïa ka kam ha u Lber, u la khot ïa u PM Modi sha Canadian Rockies kum u nongwan ha ka jingïalang jong ki ri ba heh jong ka G7. Kitei ki arngut ki nong-ialam ki la pynlong ia ka jingialang arliang mamla ha marjan jong katei ka jingialang bad ki la mynjur ba baroh ar tylli ki ri kin jied ia ki high commissioner ba thymmai, namar ia ki nongmihkhmat la tip hapdeng ki ri jong ka Commonwealth.
