Shillong, Jylliew 23
Ka India ka la sdang ïa ka jingïalehkai ha ka AFC Women’s Asian Cup 2026 da kaba pynliem ïa ka Mongolia haduh 13-0 kol ha ka Lah Sngi U Blei ha Chiang Mai Stadium bad ka Pyari Xaxa ka la thep marwei haduh san kol.
Kane ka dei ka jingjop kaba khraw tam jong ka India ha ka AFC Women’s Cup (final round and qualifiers). Ha shwa, ka jingjop jong ka India pyrshah ïa ka Guam ka long da 10-0 kol ha u snem 1997 bad 2005 ha kaba ka la ïoh ban bat ïa ka rekod.
Haba phai sha ka jingïalehkai, Ka Pyari Xaxa ka la ïoh ban thep san kol ha ka minit kaba 29, 45, 46, 52 & 55, katba ka Soumya Guguloth (20 & 59) bad ka Priyadharshini Selladurai (73 & 86) ki la thep mar ar kol. Katba ïa ki shi kol la thep da ka Sangita Basfore (8), Rimpa Haldar (67), Malavika (71) bad ka Grace Dangmei (75) lyngba ka penalty.
Kumba ka paw ka India ka la lah ban ïalehkai bha naduh kaba sdang ha kaba kam shym la ailad wat tang shi kol ba kan shah pynphai ha ka liang pyrshah.
Ki ‘thei ïalehkai ka India ki long ka Elangbam Panthoi Chanu (GK) (Moi -rangthem Monalisha Devi 82′), Ngangbam Sweety Devi (C), Hemam Shilky Devi (Purnima Kumari 64′), Sangita Basfore, Nong -maithem Ratanbala Devi (Priyadharshini Selladurai 64′), Sanju (Sorokhaibam Ranjana Chanu 71′), Pyari Xaxa, Grace Dangmei, Soumya Guguloth (Mala-vika P 64’), Rimpa Haldar bad ka Kiran Pisda.
