Shillong, Jylliew 23
Ha ka nohphai sngi jong ka 23 tarik u Jylliew 2025, uwei u briew uba kyrteng u Lokendra Singh Tomar na Gwalior, Madhya Pradesh, u la shah kem noh na Gwalior hadien ka jingkyrpad na ka SIT sha ki pulit ka Gwalior ban wad buddien na ka bynta ka Honeymoon Operation.
La ïoh jingtip ba une u briew u dei u trai ïing jong ka ïing wai ha Dewas Naka ha kaba ka Sonam Raghuvanshi ka la sah bad shong rieh ha Indore.
Une u briew uba la shah kynnoh ba u la mih na Madhya Pradesh ha ka 16 tarik u Jylliew 2025 sha Uttarakhand bad na Uttarakhand u la leit phet sha Gwalior ha ka 22 tarik u Jylliew, 2025.
Kumta, ka kynhun jong ka SIT ka la mih na Indore sha Gwalior ban leit kem ïa une u briew bad ban rah sha ïingbishar ha Gwalior ban ïoh ïa ka transit remand.
Une u briew u la shah pynngat ha ka jingujor halor ka pynjot bad tap pyrthei ïa ki tiar ne evidence kiba kongsan na ka bynta kane ka mukotduma. Katba ïa baroh lai ngut ki runar yn wan ïalam biang sha Shillong ha ka Sngi Balang kynthup ïa utei u briew bad ar ngut kiwei pat kiba la shah kem dang ha kine ki sngi.
