Tehran, Jylliew:
Katto katne ki nong Iran ha khappud ki la jam noh sha shiliang khappud namar ka jingïakynad bad ka Israel. Ha ka janmiet kham shwa, u Ali Ansaye, uba la leit shuti sha Armenia ryngkat bad ki bahaiing u dang leit phai noh sha Tehran.
La ngeit ba ka Israel ka don ia ki tiar nuclear, wat la kam pynthikna ne kyntait ia kane.
Ka jingialeh ka la sdang ha ka 13 tarik u Iaiong, ha kaba ka Israel ka la hiar thma ia ki jaka nuclear bad ki jaka shipai bad kumjuh ia ki katto katne ki jaka ba bun briew. Ka Human Rights Activists News Agency (HRANA) – ka seng kaba iada ia ka hok longbriew manbriew kaba don ha Washington bad kaba la buddien la slem ia ka Iran, ka iathuh ba haduh mynta, ki don 657ngut ki briew, kiba la shah pyniap. Ka Iran, ka la pynphai kylla, da kaba siat namding ia ka Israel, ha kaba 24ngut ki briew, ki la iap.
Ka Israel, ka ong ba ka la pynlong ia ka bor suin halor ka Tehran bad ka la ong ia ki briew, ba kin mih noh na ki katto-katne ki distrik jong ka. Ha kine ki sngi ba la dep, ka jingdheng kali kaba jur ka la mih ha ki surok shabar jong ka nongbah namar ba katto katne na ki 10 million ngut ki nongshong shnong jong ka ki wad jaka rieh shawei pat.
Kito kiba leit sha Armenia na Tehran, ki iathuh ba katei ka jing-leit, ka la shim por ym duna ia ka 12 kynta. Katto katne ki la iathuh ia ngi ba kim shym la iohi ia ki jingshah thombor jong ki Israel – hynrei ki la iohsngew ia ka jingsawa jong ki jingbthei kiba ki la pynmih.
Katto katne ki nong Iran ha khappud pynban ki dang iaid lyngba ki dang iaid sha kawei pat ka liang. Ha ka janmiet kaba mynshwa, U Ali Ansaye, uba la leit shuti ha Armenia ryngkat bad kiba ha iing jongu, u dang leit phai noh sha Tehran.
