Tehran, Jylliew:
Katkum ki khubor, la ong ba u stad saian – nongshna nuclear jong ka Iran, u Mohammad Reza Seddighi Saber, u la khlad noh hapdeng ka jingleit thombor shimiet- shimiet jong ka Israel sha ka thaiñ Shatei jong ka Iran shwa ba u President ka US un pynbna ia ka jingiateh soskular sangeh iasiat hapdeng ka Iran bad ka Israel.
La ong ba u Mohammad Reza Seddighi Saber u don ha jaka sah ki kmie-kpa jong u ha Astanehye Ashrafiyeh sha ka phang Shatei jong ka Iran, ha ka por ba katei ka jingjia ka la jia.
U Saber u dang don hapoh ka jingshah pynngat kyndon jong ka US halor ki jingiadei kam jong u bad ki kam thombor jong ki lehnoh ka Iran. Dang ha ki khyndiat sngi ba la leit, la ioh jingtip ba u khun ba 17 snem jong u, u la khlad ha ka jingleit thombor ka Israel sha ka iingsah jong u hapoh ka nongbah Tehran.
