Shillong Jylliew 24
Ki pulit ha ka step jong ka 24 tarik Jylliew 2025 ki la ïeng pahara bha ha sawdong jong kawei ka pla rong ïong ba la buh hakhmat ka jaka ïeng kali MUDA ha kaba ym don trai ban wan kam ïa katei ka pla.
Ka jingpahara bad peit thuh ki pulit shi slem ïa katei ka pla ka dei ba ki suba ba lehse ka dei ka pla ba don ïa u bomb ne ki tiar pynmynsaw.
Mar shu ïohi ïa katei ka pla kaba don hakhmat ka MUDA Parking, ki bor pulit ki la khang ïa ki paidbah ba leit ba wan ban ïaid najan ba don katei ka pla namar ki suba ïoh lehse hapoh jong katei ka pla don u bomb ne ki tiar pynmynsaw namar ba la ieh ha ka jaka ïaid paidbah.
Ïa katei ka pla ki pulit ki la lap bad ïohi ha ka step jong ka 24 tarik Jylliew 2025.
Hadien kumba katto-katne kynta eiei ba ki pulit ki la ap bad peit bniah ïa katei ka pla, kawei ka khynnah samla ka la wan ban kam trai ïa katei ka pla, ha kaba ka la ïathuh ba ka la buh ïa katei ka pla hakhmat MUDA ban leit jingleit ïalade.
Da ka jingpeit bniah ki bor pulit la lap hapoh katei ka pla ki don ki jaiñ phong bad kiwei kiwei de ki tiar.
Hadien ba katei ka khynnah samla ka la wan ban kam ïa ïa katei ka pla ba la ieh hakhmat ka MUDA, na ka liang ki pulit ki la pynpaw da ka jingbitar ïa katei ka samla ba ka buh kulmar ïa ka pla ha ki jaka paidbah namar ka pynma ïa u paidbah baroh kiba ïaid lynti.
Ki pulit ki la ong ïa katei ka khynnah samla ba kam dei ban shu ieh kulmar kumne ïa ka pla nalor ba ka dei ka pla kaba heh bad kaba itieng bad kaba la pynsyier ïa ki paidbah ba ïaid ba ïeng na kane ka jaka. Hadien kata pat ki pulit ki la aiti noh ïa katei ka pla sha katei ka samla.
