Jowai, Jylliew 25
Ka West Jaiñtia District Table Tennis Association (WJDTTA), ka la pynbna ba kan pynlong ïa ka lympung ïalehkai ba la tip kum ka 3rd District Table Tennis Championship 2025 bad ka Under-16 years Table Tennis Championship.
Kane ka lympung ïalehkai kan sdang naduh ka 19 tarik u Naitung ha Khimusniang Indoor Hall naduh ka por 9 baje mynstep. Ka tarik khatduh ban pynpoi ïa ki kyrteng kan long ha ka 10 tarik u Naitung. Te kino-kino kiba kwah ban ïashim bynta ha kane ka lympung ki lah ban phone ha une number 6009175449.
