Mawkyrwat, Jylliew 25
Ka seng Kyntiew La I Sap Multipurpose Organisation ha ryngkat ka jingïatreilang bad ka District Sports Promo-tion Society kum shi bynta ban kyntiew ïa ki khynnah kynthei ha ka jingïalehkai phutbol, ka la plie ïa ka lympung ïalehkai phutbol ba tip kum ka 4th Independence Cup Women Knockout Football Tournament 2025 ha ka Sngi Balang ha madan Artificial Turf jong ka MDSA kaba ha Nonglang, South West Khasi Hills District.
Ha kane ka lympung la wan ban ïashim bynta kumba 16 tylli ki kynhun naduh ki skul bad ki klob bapher bapher jong ka dong ka thaiñ Mawkyrwat.
Ha kane ka sngi sdang jong kane ka lympung ka Sakwang SC ka la lah ban pynliem noh ïa ka Mawlangwir SC da 3-0 kol, kumjuh ha ka jingïakhun kaba ar ka Eitser FT ka la pynliem noh ïa ka Dang Pyrshang FC da 1-0 kol, ka Ïahbeit FC ka la jop ïa ka Lumpyngngad da 1-0 kol bad ha ka jingïalehkai kaba saw ka Jashiar SC ka la lah ban pynliem noh ïa ka Thongni FC lyngba ka tie-breaker da 5-4 kol.
Ïa kane ka lympung la wan ban plie da u Bah S.H Khongthaw, Joint Secretary ka Synjuk Seng Samla Shnong jong ka Ri Khasi ha ryngkat ka jingdonlang ka Kong Balutmon Nengnong, Football Coach jong ka shlem treikam u District Sports Officer (DSO) SWKHD, Bah Beningstar Lyngkhoi, Athletics Coach, Bah Benjohnson Lyngdoh, Secre -tary ka KLISMO, Kong Mercilinda Lyngdoh bad la ïoh ban pynshit pynsngaiñ shuh shuh ïa kane ka prokram da ki sur jingrwai na i samla Phiba Pynkmen Nongsiej.
