Shillong, Jylliew 25
U Myntri Khynnah ka Sorkar Kmie, u Prabitra Margherita uba khmih ruh ïa ki kam korbar ri, u la pyntip ba ka Sorkar Kmie ka dang shong bishar halor ka jingdawa pyntreikam ïa ka Inner Line Permit (ILP) ha Meghalaya.
Haba ïakren bad ki nongthoh khubor ha ka Sngi Balang, u Myntri Khynnah u la pynshai ba kam long satia kaba shisha ba ka Sorkar Kmie kam don jingtip lane ka shu sngap jar-jar halor kane ka kam kaba la sahteng la slem.
U Prabitra u la ong, “Ki don shibun ki kam ba dang sahteng jong baroh ki phra tylli ki Jylla ka thaiñ shatei lam-mihngi, kiba la sah da ki phew snem. Hynrei u la pynpaw pat ïa ka jingsngewskhem ba ïa ka kam ba ïadei bad ka ILP yn sa pynbeit noh da ka Sorkar Kmie hapoh ka jingïalam u Myntri Rangbahduh u Narendra Modi.”
“Hapoh ka jingïalam u Narendra Modi, ïa kine ki kam baroh yn sa pynbeit kawei hadien kawei,” u la ïathuh.
