Shillong, Jylliew 25
U Neeraj Chopra u la rah ïa ka nam lahduh ha ka javelin throw jong ka Ostrava Golden Spike 2025 hadien ba u la lah ban kawang haduh 85.29m, kaba dei ka jingjop kaba ar jong u hapoh shi taïew.
Kane ka jingïalehkai ha Czech Republic ka dei shi bynta jong ka jingïakhun jong u ha ka samoi ïalehkai 2025, hapoh ka jingïalam u Jan Zelezny kum coach.
Une u nongjop Olym-pic bad ha ka pyrthei, u la lah ban pynthikna ïa ka jingjop wat lada um da sngewhun halor kane ka jingjop kum u nongka-wang sum jong ka India.
U Chopra u la pynskhem ïa la ka jinglah ha kaba sdang jong ka jing-ïakop bad u la lah ban pyni ïa ka jingtbit ha kane ka jingïakop. Wat lada um shym la lah ban poi sha ka kyrdan kat kum ka jingbuh thong ha ka pyrthei, hadien ba u la lah ban kawang 90 meter ha u bnai ba la dep, ka jingpyrshang kaba 85. 29m ka la pynshisha ba ka la biang ha ka madan ha kaba tang khyndiat eh kiwei pat ki la wan hajan ban byrngem ïa kata ka jingthew.
U Douw Smit na South Africa u la wan ba-ar da kaba kawang 84.12m, katba u Anderson Peters na Grenada uba la jop arsien ha ka pyrthei, u la wan ha ka kyrdan balai da kaba lah kawang 83.63m. Ym don uwei ruh na ki nongïalehkai uba la lah ban pynkheiñ ïa ka rekod da kaba kawang ha ka jingjngai kaba 86 meter, kaba la pynlong ïa ka jinglehkai jong u Chopra ban kawang khatduh da kaba ïoh hapoh 80 meter namar ka jingbakla.
Ha ka jingpyrshang jong ka wat kaba khatduh, u Chopra u la sah ha ka kyrdan ba hakhmat eh da kaba kawang ha ka jingjngai kaba 85.29m, bad wat la ka la don ka jingkhmih lynti ba un lah ban nangkiew shaphrang, hynrei ka jingpyrshang ba khatduh jong u kam shym la urlong.
