Shillong, Jylliew 26
Ka 5th Khelo India University Games (KIUG) kan long ha Jaipur ha u Naiwieng mynta u snem ha kaba yn wan shim bynta da palat 4,000 ngut ki samla pule, la pynpaw u Myntri ka tnat ïalehkai u Mansukh Mandaviya.
Ka Poornima University bad ka Rajasthan University kin ïasoh lang ban pynlong ïa katei ka lympung ki ban wan shim bynta da palat 200 tylli ki skulbah. Kumba long ha u snem ba la lah, kin fon 20 tylli ki jait jingïalehkai ki ban kynthup hapoh ka KIUG 2025.
“Nga sngewkmen eh ban pynbna ba ka Khelo India University Games kan long ha Rajasthan ha u Naiwieng jong u snem 2025. Kine ki jingïalehkai ki dei na ka bynta ki nongïalehkai kiba hapoh 25 snem bad kin sa wan hadien ka jingïalehkai samla Khelo India kaba la long ha Bihar ha u Jymmang mynta u snem. Kine ki jingïalehkai ki ai ka lad kaba khraw ïa ki nongïalehkai kiba wad ïa ka rynsan jong ka ri ban pynsngewtynnad ïa ki nongïalehkai kiba bun jong ngi kiba peit bniah ïa ki sap ba tbit tam ha ka ri,” la ong u Mandaviya.
Ka Chandigarh University ka la khur ïa ka jingjop ha ka KIUG 2024, kaba la pynlong lang da ka Assam, Arunachal Pradesh, Meghalaya, Mizoram, Sikkim, Nagaland bad Tripura.
