Tehran, Jylliew:
Ka Iran ha ka Sngi Balang, ka la sdien phasi ia 3 ngut ki nong Israel, kiba ka la kynnoh ba ki dei nongsyntiat jong ka Israel. Kane ka long ruh tang hadien shi sngi jong ka jingsangeh iasiat hapdeng kitei ki ri ba la pynbna da u Trump.
Kitei 3 ngut ki kynthup ia u Idris Ali, Azad Shojai bad u Rasoul Ahmad Rasoul, ia kiba ka Iran ka la kynnoh ba ki thmu ban leit pynrung tuh ia ki tiar thombor shapoh u pud- u sam ka Iran, ban ioh ban wanrah ia ki kam thombor ha kane ka ri bad kumta ruh la ioh kem noh ia ki katba ki dang pyrshang ban pynrung ia kitei ki tiar shapoh u pud- u sam jong ka ri.
Ia kitei 3 ngut la phasi ha ka step Sngi Ba-ar, ha Urmia, kaba sha ka phang Shatei-mihngi jong ka bynta khappud bad ka Turkey.
Namar ka Iran ka ju leh kumtei hi ia kino- kino kiba don kti ha ki kam thombor pyrshah ia ka jaitbynriew jong ka bad ka ju pynbna man ka por ha man ba ka phasi ia kito kiba don kti ha kitei ki kam kiba long pyrshah ia ki aiñ jong ka ri.
